意甲國際米蘭嘅荷蘭中場史奈達（圖）喺上周聯賽中場休息時，曾意外地暈倒，搞到球隊好鬼緊張，立刻為佢做全身檢查，終發現26歲嘅史奈達原來係有貧血。球會為安全起見，喺周三聯賽和萊切1:1賽事，亦都冇派佢上陣。史奈達話貧血會令佢好容易疲累，家要盡快養好身體，國米暫時都冇話幾時再派史奈達上陣，期望佢快啲好番啦！