城大噚日頒發榮譽博士學位畀5個傑出人士，其中一個就係曾經喺蘋果、微軟同谷歌三大I.T.巨頭公司做過管理層，舊年9月毅然喺中國自立門戶創立「創新工場」嘅李開復（圖）。李博士獲頒學位，皆因佢熱心扶持中國青年創業、培育中國新一代科技公司。
講開「創新工場」，李博士話佢目標係將公司打造成「創業者黃埔軍校」，可以培育到一間中國嘅Apple或者Google。由開檔到家，一年時間已經培育、投資咗13間內地創業公司，當中6間公司有自家產品，佢身上嘅手提電話，就係其中一項；亦有產品用戶人數已達350萬。佢仲話，希望4至5年之後開始有佢培育嘅公司上到市……照咁睇，幾年後咪應該稱呼李博士做李校長囉？
李華華