英超黑池周三喺聯賽作客以2:3不敵阿士東維拉，黑池領隊荷路威（圖）賽後被傳媒批評，皆因球隊今仗有10個正選冇上陣，引來留力疑雲。事實上，黑池將於周六作客鬥榜尾嘅韋斯咸，領隊荷路威當然否認排出弱陣，仲話如果俾英足總罰，佢就會辭職唔做。之不過，黑池無論排咩陣，進攻風格都係冇變過，何況今場都係踢至89分鐘，先俾維拉嘅占士哥連斯入波由和變輸啫！