80年代，香港的中國殭屍片及外國吸血殭屍片掀起殭屍熱潮，最近羅守耀再大膽開拍中國版吸血殭屍電影《殭屍新戰士》，還繼上次《惡胎》後，再起用周秀娜做女主角，羅守耀讚她有禮貌，不過論演技，他謂今次周秀娜表現沒上次那般放，有時更會「做多咗」。
經營地產投資，曾修讀電影的羅守耀，曾為不同電影擔任導演，當中包括《非常青春期》、《黑拳》及《奪帥》等。羅守耀最近擔任電影《殭屍新戰士》出品兼導演，找來周秀娜、元華、錢小豪及蔣璐霞來一場正邪殭屍對決和殭屍獵人大鬥法，又大玩人類與殭屍談戀愛，羅守耀日前接受訪問說：「戲中嘅殭屍其實有啲似夜間青年，周秀娜同蔣璐霞嘅感情做唔到同性戀，只可以話係人屍戀。」
「冇第一次咁放」
羅守耀在前作《惡胎》中，首次起用o靚模周秀娜，效果理想，今次在《殭》片再起用周秀娜飾演性感殭屍，羅守耀對此說：「周秀娜係一個好專業嘅演員，鏡頭前後佢都好有禮貌，好識做，不過論演戲，反而冇第一次做演員咁放，因為佢拍戲多咗，知道乜嘢叫做戲，有時會做多咗。」
《殭》片是動作殭屍電影，或會令人聯想起早年的《千機變》，但羅守耀強調《殭》片角色是中國殭屍，且絕少電腦特技效果加工，羅守耀說：「同《千機變》係兩齣唔同嘅電影，我哋用實景，加上演員親身吊威吔同親身動作，呢啲都係外國片商最欣賞嘅地方。」
導演表達人生觀
羅守耀指《殭》片食正荷李活片《吸血新世紀》熱潮，預期賣埠理想可封蝕本門，但除了賺錢，羅守耀透露故事背後也表達了其所想的人生意義，他說：「世界上好多人想長生不死，但如果人生活得冇意義，同一條唔死嘅殭屍又有何分別，套戲唔係說教，只係順帶想表達活着嘅意義。」
採訪：張俊銘
攝影：陳順禎