噚日立法會保安事務委員會討論警方處理遊行示威手法，「中指黃」黃宜弘問警方有冇使用胡椒噴霧嘅指引，點知佢竟然將胡椒粉當成胡椒噴霧，爆笑全場。正推門離開嘅黃毓民都忍唔住轉身鬧佢：「黃議員，係胡椒噴霧至啱。」
之後林大輝又將胡椒噴霧講錯，問警方除咗「胡椒粉噴霧」外，有冇其他高科技產品對付示威者，在場人士隨即大笑起來，坐喺佢身邊嘅張文光忍唔住幽佢一默，「仲有辣椒醬」。林大輝衰咗一臉尷尬。
警方助理處長孔百德話，有好多高科技軍事產品可用作防暴，有啲器具會發熱或發出巨響阻嚇示威者，但唔適合香港環境，擔心傷及無辜，所以警方並無採用。言下之意，警方對示威者好仁慈咁解。