日前喺汽水活動表演帶波過車胎嘅曼聯前鋒朗尼，家陣雖然喺美國療緊傷兼操「弗」狀態，但英國啲狗仔隊一樣唔放過佢，死跟到底，務求刮到佢啲衰嘢同花邊新聞出嚟。
繼被影到有可能落脫衣舞吧，同埋攞住個有囝囝佳佳肖像嘅袋仔之後，日前佢又俾班狗仔隊捉到，喺操練嘅小息時間，淨係畀對腳休息，對眼就鬼死咁忙，喪一個喺附近跑步嘅金髮女仔。
講真，邊有貓唔食魚呀，所以男人女都好正常，朗尼男人你就驚啫，女根本完全冇問題。不過，喺呢個非常時期，好心朗尼就收歛吓，唔好畀機會啲小報搵到位入佢，專心搞番掂自己嘅狀態，返英超踢爭氣波好過。話時話，佢老婆高蓮其實都好索，日前仲喺一個宴會搶盡風頭，我求大俠真係唔明朗尼個心點諗。