男拔小徑冠名風波辣㷫好多校友，facebook反對群組嘅人數突破1,000。捐錢冠名嘅始作俑者張作鑫（Lister）忽然喺個group留言，saysorry之餘提議小徑名為「拔萃千風小徑」，因為佢鍾意聽《千風之歌》，搞到校友晒頭。
經商嘅Lister捐咗400萬，本來男拔條無名小徑會冠名為靜思小徑（ListerT.S.ChangTrail）。喺facebook自稱男拔「九袋長老」嘅Lister自嘲老糊塗周伯通，又提議小徑不如叫拔萃千風小徑（DBSHistoricFootpath）。
男拔校長張灼祥覺得叫番拔萃小徑好啲，話會再同學生傾傾。男拔校友Leslie認為，喺小徑整個牌寫捐款人個名就得，唔使冠名；佢驚第二時男拔笪大草地（Field）畀李嘉誠買起，變咗李氏力場（Li'sField）就冇陰功。