特首曾蔭權及臨時最低工資委員會最終沒有接納勞工界要求，將最低工資定於時薪33元，有勞工界人士稱，政府由成立該委員會到最終訂出薪金水平，一直傾斜向商界利益、只重政治考慮，而非站在保障工人基本權益立場出發。
叫勞工界以大局為重
職工盟立法會議員李卓人指出，政府成立臨時最低工資委員會時，已為阻止工會爭取時薪33元設下框框，所謂由勞、資、學者三方組成的委員會，學者及資方成員對最低工資立場十分保守，先天上委員會已能提供足夠安全系數，投票時足以否決勞工界的訴求。
政府計算不同最低工資水平對經濟影響時，也只着重於不同金額對僱主的影響，而非該工資水平對工人生活有否實質改善，李卓人說：「佢哋淨係計28蚊個鐘，咁僱主薪酬支出只會增加0.6%，話對老闆影響小啲，但係33蚊個鐘，薪酬就要增加到1.6%，老闆就接受唔到，根本就淨係諗老闆受唔受，唔係諗打工仔利益。」
踏入訂定最低工資水平的最後階段，政府甚至只從政治角度考慮，而非有關薪酬是否合理，有工會成員指，「佢哋（政府）成日游說工會話33蚊太高，就算30蚊商界都唔接受，又話高過28蚊政治上唔可行，商界一定反對，總之成日叫勞工界以大局為重，唔好搞唔成條法例，而唔係叫商界以大局為重讓步」。本報記者