醫管局新任行政總裁梁栢賢今個星期一履新，在新崗位工作，八方聽聞前日有記者早上到醫管局等梁栢賢返工，希望第一時間訪問佢感受，可惜緣慳一面，因為梁栢賢朝早8點零鐘就返工，當日記者晏咗少少到場，見唔到梁栢賢。
有信心但需同事配合
記者錯過機會，樹仁大學新聞與傳播學系學生比較早起身，當日「獨家」訪問咗梁栢賢，在《說．在線》新聞網作出報道。據報梁栢賢話首日上班做醫管局CEO心情興奮，期待與員工溝通，又揚言盡心盡力「做好呢份工」，承諾致力改善醫院人手短缺、工時長、士氣低等問題。
好多人都話要「做好呢份工」，能否做到係另一回事，梁醫生話自己信心十足，不過都講多句，需要同事配合，因為喺咁大個機構工作，團隊精神好重要。八方覺得梁醫生可以少擔心，醫管局主席胡定旭事事親力親為，在肥胡領導之下，梁醫生一定可以「做好呢份工」，肥胡好，梁醫生更好呀！