軟硬林海峰（Jan）和葛民輝昨日一同到尖沙嘴宣傳由他們配音的動畫電影《毛百萬》。司儀在台上表示今次請來Jan和阿葛兩位巨星為電影配音，他們即施展抵死本色說：「我哋酬勞係奀星咋喎。」令現場出現尷尬氣氛，但二人繼續搞笑說：「最好計時薪，逐粒字計，但千祈唔好扣我飯鐘錢喎。」司儀笑言會準備飯盒，Jan和阿葛齊聲說好。
教訓囡囡
事後Jan賣口乖說：「其實係賺到大錢o架，因為我哋有機會跟專人學配音，講真畀錢都冇機會。」會否帶兩個囡囡睇新戲？Jan表示一切由囡囡決定，因她們忙返學和補習。囡囡曾否投訴讀書太忙？Jan說：「我有同佢哋講，唔鍾意咪出嚟做嘢囉。」
採訪、攝影：張俊銘