連升多日之後港股噚日出現調整，回落唔係由花旗股市帶動，而係連續有第2間地產發展商抽水影響市場氣氛，喺地產股帶動下，恒指下跌253點收市，報收24710。
抽水係咪股市見頂嘅訊號？QE2之前市場大把水，QE2之後就更加水浸，點會有影響？地產股回試支持位之後好快又會炒過。
道指前晚微跌，似造旗，掉頭炒上應該好快試12000關，如果先調整，11200應該已經跌唔落。
越地C輪22816：越秀地產（123）噚日報收2.14元，升1.9%。股價突破上個月高位，最高見2.21元，大成交配倒轉錘，今日有機會上試2.25元阻力，破位睇2.60元，可以諗吓隻C輪22816。
隻輪現價43仙，2011年1月28日到期，行使價1.781元，溢價2.6%，引伸波幅48.7%，槓桿率5.2倍（有效4.3倍），正股升上2.60元，22816睇86.4仙，升幅啱啱1倍，打個8折都有69仙，仍然好吸引，正股跌穿2.03元就沽咗隻輪計數。
俊樺