港股噚日早段沽壓較大，主要由滙控（005）帶動，不過滙控只係技術調整，唔係轉勢，整固完會上試90元。
區內股市普遍造好，投資者對呢個禮拜嘅G20會議唔係睇得太差，入市信心比較積極，港股亦喺尾市掃番高，恒指報收24964，倒升87點，雖然成交略為縮減，但仍過千億，恒指破25000關嘅條件已經成熟，如果恒指企喺25300樓上收市，可以假設已經破位，下個目標係2008年高位26387。
吉利C輪26355：吉利汽車（175）噚日報收4.77元，升1.9%。股價早前升上4.82元之後現調整，回試10日線後又拾級而上，其他汽車股嘅走勢大致差唔多，汽車受惠國家政策，反覆向上嘅走勢會持續，吉利升破5元睇5.60元，可以諗吓隻C輪26355。
隻輪現價57仙，2011年5月16日到期，行使價5.20元，溢價21%，引伸波幅53.3%，槓桿率8.4倍（有效4.1倍），正股升上5.60元，26355睇1.04元，正股跌穿4.50元就沽咗隻輪。
俊樺