Beyond成員黃貫中（Paul）日前喺成都酒吧演出時有酒客毆鬥爆樽，令到幫阿Paul任結他手嘅親細佬黃貫其受傷送院急救，阿Paul前日已陪細佬返港就醫。唔少fans批評四川酒客嘅暴力行為，但阿Paul前晚喺微博話：「好人壞人那裏都有，不關四川人的事，這只是個意外，如果你們再因此而分裂，我會更心疼！那些少數的壞分子，自然會被整頓。」