上周五美國公佈非農業職位大增逾15萬個，遠勝預期，但美股當晚只是微升收市。昨日港股初段亦只在200點的區間內上落，但3點半後卻見突破，最高見24946，進一步挨近25000。大市連續出現兩個裂口，大家都認為是消耗性上升，但在牛市中不用諗太多調整的問題，反正現階段個股輪流炒，揸齊貨者毋須換來換去。
筆者剛從內地回來，見過一些分析員、上市公司老闆等，發現兩地看股市的方向頗有分別。本地注重冧巴文化，但內地最近的熱門話題是有童裝股竟可以75倍PE上市，及某隻蝕錢股卻在香港成功上市。
中港觀點大不同
兩地股民的眼光亦有異，內地投資者覺得股市遍地黃金，高處未算高，但香港投資者就覺得處處陷阱，怕泡沫爆破。讀者可能會話內地股市歷史尚短，股民少歷股災，但上浪A股由6000滑落至1600，說他們不知股災的恐怖似乎差矣。
我們經常談論泡沫幾時爆，除了中得招多外，與性格亦大有關係，記得當年天水圍柏慧豪園開售，不少港人笑內地人笨，但假如當時買了揸到現時仍有錢賺，當然樓市整體上升，並唔係該盤特別好，但唔計機會成本，有買始終好過冇買；就算計埋機會成本，現時仍有很多港人問買唔買得樓，或寄望政府幫助置業。士佳並非長他人志氣，不過中港關係越見密切，有需要多研究內地的人與事。
記得士佳大學畢業後，朋友聚會都是談論買股、買樓，買唔到就做3份工為層樓拚命，從來冇話靠政府。政府宣佈建高鐵後，不少人將其政治化，但內地人就睇哪家地產商的地皮或樓盤靠近高鐵，當然唔可以一切向錢看，但香港始終是金融之都，投資者要在這個牛市賺大錢一定要做功課，要了解國策，唔係一味打電話問冧巴。
張士佳
寶來證券（香港）董事 投資服務部
mailto:[email protected]