社民連領導層昨日成功爭取近六成會員支持，暫時消除管治危機，但有社民連及泛民中人認為，今次倒閣派的失敗不代表消除了社民連內部矛盾，特別是任亮憲等倒閣派成員今次獲四成出席會員支持，日後必定利用這四成民意作為政治籌碼，處處制衡陶君行領導班子，令他變成「跛腳鴨」主席，勢必影響社民連政治力量。
得票比當選時更多
有泛民中人認為，社民連特別會員大會的投票結果顯示，社民連的活躍成員仍然以支持陶君行為主流，代表任亮憲的倒閣派暫時無法威脅陶君行的領導權，短期而言，陶君行可以暫時鬆一口氣。
泛民中人稱：「有六成票投畀佢，票數比佢當年選主席時仲多咗50票，呢個結果令佢有足夠黨內授權，可以繼續做社民連主席之餘，反對佢嘅人要再搞倒閣亦冇意思。」
不過，任亮憲、錢偉洛、李偉儀等倒閣派人士能夠取得近四成支持票，有社民連中人不諱言，「佢哋一定倒轉講話自己有四成民意支持，用嚟批評陶君行有好多人反對佢」，由於他們已表明絕不退出社民連，這四成民意必定成為日後制衡陶君行領導班子的政治籌碼，「佢哋唔退黨，甚至喺黨入面搞對抗，一定會對社民連有影響，錢偉洛一早講咗倒閣失敗，都要將個內閣變成跛腳鴨！」
本報記者