F托神勇！利物浦周日在英超大戰，主場面對榜首的車路士，憑神勇的費蘭度托利斯（F托）梅開二度，以2:0擊敗車仔，取得4連勝。車仔輸波後仍保榜首，但優勢已大幅收窄。
牽牛
賽前兩軍均近況甚佳，利物浦連同歐霸盃取得今季最長3連勝，新班主約翰亨利與妻子繼續在晏菲路「御駕親征」。車路士連同歐聯更4連勝，不過前鋒杜奧巴只列後備，中場艾辛更因腳趾傷缺陣。
車仔僅領先曼聯2分
紅軍士氣繼續回升，古積特復出亦令攻力加強，11分鐘他的傳中球令車仔中堅泰利漏頂，F托冷靜地控定來球，射破施治十指關，開出6倍「首名入球」。世界盃後久沉的F托，今仗猶如翻身仗，44分鐘乖巧地在左輔位妙射，彎過伊雲洛域及施治入網，累積個人今季第4個聯賽入球，紅軍亦以2:0領先上半場。
車路士下半場換入杜奧巴，但63分鐘他右路傳中，馬隆達近門施射，竟被紅軍門將連拿用身擋出。紅軍力保勝果，取得4連勝，排名亦急升至第9位。車路士錄得今季第2場敗仗後，仍以11戰25分居榜首，但只領先曼聯2分，阿仙奴及曼城以20分，分列3、4位。
巴洛迪利起孖兼領紅
巴洛迪利起孖兼領紅
同日其他英超戰果，曼城作客西布朗，前鋒巴洛迪利成為全場焦點，他在上半場梅開二度，取得英超第1及第2個入球，但下半場卻因連環踢向對手中場穆林保，被球證紅牌驅逐離場；雖然曼城仍保住2:0勝果。
而阿仙奴主場出擊，有法比加斯及禾確特先後射中楣，令人意外地以0:1不敵由安祖卡路爾在45分鐘頭槌一箭定江山的紐卡素；於補時階段，阿仙奴更有後衞哥斯尼拉跌單刀的尼爾蘭加，領下今季第2張紅牌，聯賽3連勝走勢告終。
