花旗上月份非農業職位大增15.1萬，非常強勁，即使失業率冇回落，睇起嚟都幾好，不過大家稍為諗一諗就覺得有啲唔妥，如果經濟係咁好，聯儲局又使乜加碼印銀紙，推QE2？
道指上日反覆微升，係先跌後反彈嘅走勢，喺累積上升超過200點之後整固吓，其實係健康嘅發展。港股上禮拜氣勢如虹，短線阻力位25000關，支持位24300，呢個禮拜要留意資源股。
兗煤C輪25537：兗州煤業（1171）上日報收24.60元，升5.3%。由10月中到家，股價幾次受制保歷加通道頂，兩次回試20日線，不過一浪高一浪嘅走勢就冇變，上日大成交突破通道頂，保守啲都可以睇30元，諗吓隻C輪25537。
隻輪現價35.5仙，2011年6月29日到期，行使價25元，溢價16.1%，引伸波幅49.3%，槓桿率6.9倍（有效3.8倍），正股升上30元，25537睇71.3仙，升幅1倍，正股跌穿23元就沽咗隻輪。
俊樺