前排去完德國啤酒節，竟然愛上咗德國的肉腸、啤酒、糕餅……諗起就流口水，原來最近Great搞緊德國美食節（至11月18日），有成300款德國嘅正宗食品，好似有路德威黑啤酒、獲獎無數嘅香腸品牌Meica、德國梅子酥餅蛋糕等等。邊樣最正？當然係Meica嘅法蘭克福肉腸，用天然羊腸衣包住，入面嘅肉經過秘方煙熏處理，味道特別香濃，各位德國Fans，記住唔好錯過啦！