卿姐曾經喺立法會信誓旦旦，話新增區議會功能組別議席嘅提名門檻過高，就會引咎下台。正所謂一諾千金，選民力量整咗張巨型空頭支票做橫額，諷刺卿姐食言，噚日半晝已經收集到500幾個市民簽名，叫佢辭職謝罪。
最近YouTube流傳卿姐關於提名門檻嘅soundbite，八方原文照錄：「如果過兩、三個月出嗰個文件，個門檻係過高，好多人都覺得，呀！原來係呃人嘅！淨係益某啲黨嘅啫！我講咗，我會馬上引咎下台。」卿姐曾經回應網民，話提名門檻15席係民主黨建議範圍內，所以唔使辭職。選民力量就係想以市民簽名證明，好多人覺得門檻過高，益咗某啲政黨，星期三會喺立法會將簽名連同橫額送畀卿姐。如果卿姐唔肯收，就會巡迴展出再發動簽名。