鍾楚紅昨日下午以性感低胸裝配男裝外套，展現熟女風情，不讓一眾年輕女星專美。紅姑自爆身上的黑色戰衣着了多年，自言為環保愛將衣服重複穿着，難得身形多年不變，記者大讚她身材弗，紅姑開心地說：「邊度fit？遮得好啫，我鍾意做同大自然有關嘅運動，行山游水。」她謂行山不需伴侶，問她現時有沒有追求者？紅姑說：「梗係冇啦！」要求高？她說：「講緣份啦，我唔敢要求，上天自有安排。」她和亡夫朱家鼎的恩愛之情，人所共知，問她這段愛是否太難忘？紅姑說：「我慶幸有過一段真愛，呢個係一世嘅……」講起亡夫，紅姑有點傷感，開始忍不住眼濕濕說：「家都唔係好忍得。」
「我係教徒」
不敢多講，即時轉話題，表示現時工作以廣告、慈善為主，未有想過復出拍戲。提到恒基大少李家傑請代母生三胞胎，紅姑則不敢苟同說：「我係教徒，但呢個係人哋嘅選擇，有自己理由。我覺得生BB係兩個人嘅愛情結晶，要有愛嘅存在，我唔贊成。」其後她換上晚裝出席派對。