港姐近日喜事一宗接一宗，繼朱凱婷與曹敏莉先後嫁人後，85年港姐冠軍、現年47歲的謝寧，原來已於前日再披嫁衣，跟拍拖多年的無綫攝影部主管男友王德偉在家中舉行溫馨婚禮。
記者昨日致電恭喜謝寧，問她在婚禮上可有感動落淚時，她說：「有眼濕濕，其實係成個過程好感動，因為好多好朋友、最親嘅人都喺晒度，兩個女特登喺加拿大返嚟，仲要特別多謝陳法蓉，佢都係專登喺內地趕返嚟，又幫我搵人化妝，又做我伴娘，真係好多謝佢。」
蔡少芬昨晚出席九龍塘福音活動時，指自己專程從橫店趕返香港出席謝寧婚禮，並指謝寧行禮時一度眼濕濕。
陳倩揚下月出閣
除謝寧外，現年27歲、08年港姐亞軍陳倩揚將於下月4日與拍拖8年的科學家男友陳浩然拉埋天窗，婚禮定於尖沙嘴洲際酒店舉行。採訪：林妃