下月中便41歲的麥長青，與太太Allison結婚11年，二人育有10歲長女和8歲幼子，一家四口樂融融。
麥包表示自己擁有今天成績，不得不多謝背後的兩個女人，分別是他的母親和太太，尤其太太Allison持家有道，以便讓他可以專心銀，麥包更情深款款用聖經記載上帝在亞當身上抽出一條肋骨創造夏娃作比喻，麥包一臉柔情說：「我同老婆當年拍咗8個月拖就結婚，佢真係我條肋骨。」麥包尊重家庭成員的感受，近年接戲更謹慎，情慾戲份全部noway。
最愛非凡哥
太太除了是賢內助，也是麥包的超級粉絲，她當然也晚晚捧非凡哥場，情人眼裏出西施，她直言不覺非凡哥一角乞人憎，Allison說：「我代入唔到好憎非凡哥，成套劇我覺得佢無論身形同氣勢，喺嗰個年代嚟講都最man，如果換轉我係江美儀演嘅冬妮，我寧願揀做非凡嫂，都唔做醒嫂。」不過Allison一世最願做的當然是戲外麥太身份，事緣擁有一個錫到她燶和關愛家庭的好老公，正是夫復何求。
此外，麥包酷愛小孩，近日榮升姑丈的他日前抱着小姪兒，愛不釋手，不過擔心夫婦沒多餘時間照顧孩子，才打消再造人大計。
