【本報訊】發生嫲孫捱撞意外的新蒲崗寧遠街與景福街交界現場為交通黑點，個半月前才發生過奪命車禍。有街坊表示現場路口轉彎位並無過路設施，車輛轉彎時車速快，收掣不及便撞及途人，街坊促當局增設過路設施，避免慘劇重演。
今年9月27日晚上7時許，一名82歲老翁在同一地點捐車罅過馬路時，被駛至密斗貨車撞倒，頭破血流，最後重創死亡。記者昨日所見，警方在現場鐵柱貼出告示，呼籲目擊該宗意外人士與警方東九龍交通部特別調查隊聯絡提供資料，豈料事隔一個半月又再發生嚴重交通意外。
30米外才有過路設施
意外發生後不少街坊批評現場交通設施不足。住在附近數十年的街坊何伯表示，經常在車禍現場寧遠街過馬路，該處並無過路設施，最近要到30米外的崇齡街，才有交通燈位及行人輔助線過馬路。何伯說：「寧遠街係路口轉彎位，有好多後生仔，廿幾、卅歲嘅司機開車好快o架，佢哋一掟彎踩到行，老人家慢慢行出去就被撞，周時都好驚險。我見過有老人家行出嚟，啱啱有架客貨車駛到，老人家喺車身擦過，差啲撞倒。呢度應該加設交通燈啦，等車速減慢，行人又可按交通燈號過馬路。」