導演陳可辛目前正在內地忙於電影《武俠》的拍攝。早前曾有美麗的誤會指《武》是翻拍當年張徹名作《獨臂刀》。有見及此導演把心一橫，就找來當年以演《獨》片成名，有15年沒再拍電影的王羽演出當中的奸角。戲中他會跟宇宙最強的甄子丹飾演一對恩怨情仇的父子，在片末來一場廝殺。
陳可辛（Peter）的新作《武俠》除被指翻炒當年大導演張徹的電影外，同時又被指跟陳德森即將開拍的電影《新獨臂刀》鬧雙胞。不過Peter就指故事概念不大相同，不過既然有此美麗的誤會，他就順勢找來當年演獨臂刀成名，目前移居台灣67歲的王羽出山。
欣賞陳可辛
《獨》片講述一位斷臂刀手重出江湖的故事，當年之勁不但帶紅王羽，更成為邵氏首部過百萬票房的電影。王羽昨日在雲南接受電話訪問時說：「當初係陳自強搵我，睇完劇本之後至知道係陳可辛嘅戲。當時我二話不說唔使講條件、片酬就應承，因為陳可辛係我好欣賞嘅導演，特別係佢套《投名狀》。」自言自從前作《千人斬》之後已有15年沒有拍電影的他笑說：「唔係唔拍戲，只係冇啱拍啫，頭一、兩日都有啲生疏，不過之後個感覺好熟悉好開心。」對於有人指此片是《獨臂刀》的翻炒作品，王羽就力撐本片是獨立的故事跟前作很不同。
精靈過後生
另外，Peter接受電話訪問時對這位前輩讚不絕口，他說：「雖然耐冇拍戲，但走位動作完全冇脫節，仲精靈過好多後生仔。喺戲裏佢專登剃光頭，好做到個霸氣，係佢至有咁嘅份量壓場。」
採訪：何永寧