曼聯前鋒朗尼（圖）扭加薪呢單嘢雖已告一段落，不過，由於佢繼續成為傳媒焦點，而且又有傷，於是紅魔決定將佢送到美國一星期，等佢可以靜靜咁康復。曼聯副領隊菲倫講：「朗尼會喺呢個禮拜六出發，下個禮拜六返，因為無論係佢同球會，都想轉轉環境，希望咁樣可以加快康復。」想靜，唔通英國嘅「狗仔隊」唔識跟去美國？