【本報訊】由丈夫撞爆肝入院，至急須換肝保命、命懸一線，到前日手術成功，多日來一直守候在瑪麗醫院深切治療部病房內外的海關關員袁偉祥妻子，昨日終於放下心頭大石，之前沉重的心情變得豁然開朗，連說話都調皮起來。被記者問到對丈夫說第一句話是甚麼時，袁太像含羞女兒家般回應：「咁秘密嘅嘢，梗係唔話你知啦！」
盼夫早日出院
昨日中午12時許，大批海關同袍陸陸續續到醫院探望，其間一名女關員與袁太寒暄問候，她對袁太說：「聽講Simon（許細文）可以轉病房啦。」袁太十分雀躍：「咁就好啦！」女關員又問袁太：「你住屯門宿舍，嚟瑪麗醫院咪好遠囉？」袁太似有感而發地：「已經由絕望嚟到家有希望，遠啲都冇所謂啦！」
其後袁太進入病房探望丈夫，出來時興奮地對記者說：「佢認得我，叫佢有反應，仲會擰嚟擰去，我好高興，真係開心到講唔到嘢！」記者問：「咁你第一句同老公講乜呀？」袁太即調皮的說：「咁秘密嘅嘢，梗係唔話你知啦，不過我好想佢快啲返屋企。」至於9歲的女兒會否到醫院探父親，袁太說現時丈夫情況經已穩定，但因路途太遠，暫不會帶女兒到來。