八方前日喺人物訪問中提到一單康文署涉嫌政治干預藝術家創作嘅醜聞，康文署所屬嘅民政事務局隨即向八方呼寃，圖文並茂力證報道中提到嘅作品並無被禁。事情係咁嘅，八方聽聞英國視覺藝術大師SimonBoswell喺今年5月嘅國際藝術展，原來想用投影嘅方式，將多國元首嘅眼睛顯現喺文化中心外牆。
呢個構思被康文署以恐怕引起公眾不安情緒為理由拒絕咗，結果SimonBoswell只能夠投影演藝人物嘅圖像。
呢件事喺藝術界流傳已久，不過民政事務局就矢口否認有咁嘅事，仲話藝術家嘅作品展覽期間大受好評。邊個啱、邊個錯都好啦，八方比較有興趣睇到胡錦濤、奧巴馬嘅投影多過成龍。