傑斯成為領隊兼球員？係呀！不過唔係打曼聯嗰個，而係細佢3歲嘅細佬洛尼傑斯（RhodriGiggs、圖）。司職中前場嘅洛尼早前做咗英格蘭半職業球隊索爾福（Salford）嘅領隊兼球員。曾經喺2001年因傷人而坐過監9個月嘅洛尼仲話：「坐監令我知道失去自由係幾咁痛苦，我一定要好好珍惜呢個機會，帶領索爾福取得好成績。」