【旺友】日本人不嬲都創意無限，不過近年無論電影人、劇作家、漫畫家都好似回晒塘，經常改編啲暢銷嘅小說文本，但條橋work吖嘛，你睇《告白》幾hit就知（話你知，《告白》作者湊佳苗新書《贖罪》仲好睇）。
我都幾buy呢類改編，《人間失格》各位有冇聽過？日本已故名作家太宰治遺作，就算冇睇過小說，睇過吓娛樂版都知有日劇版，不過劇我就冇睇，反而家就追緊鬼才古屋兔丸嘅漫畫版，話說《人》個故事其實好灰暗，顧名思義，就係講人失去咗做人嘅資格，意味深長，睇完晒漫畫，我實追番本小說。
踢波都講資格，烏甸開季差到冇人有，不過家陣無啦啦聯賽又4連勝，邊個話佢哋唔夠資格留喺意甲？卡利亞里作客得一個人入過波，我話佢哋今場失格。
文：守丹
心水：烏甸尼斯勝
近5場戰績：WWWWW
心得：烏甸咁順都唔跟？