樂壇唱作新人林奕匡獲公司力捧，派台碟《雨落大地》落重本製作，更花巨額為他拍攝新歌MV。日前他赤裸上身大騷六嚿腹肌，與台灣名模在影樓拍MV，不過面對靚女站在身邊，他即變得害羞，全身僵硬，反而女模落落大方。林奕匡說：「第一次見面就合作做嘢有啲唔慣，加上又係第一次拍MV，所以緊張啲。」
盼學周杰倫
林奕匡希望以多才多藝的周杰倫為目標，他說：「如果可以學到佢都好，乜嘢都親力親為，一手包辦咁多工作，成果出到嚟會特別有滿足感。我覺得佢好叻，佢嘅MV好有自己風格，拍嘅戲《不能說的．秘密》都好好睇，好想學似佢咁叻。」
採訪、攝影：王連連