【天津直擊】「2010國際中華小姐競選」今晚在天津舉行，24位候選佳麗日前已飛抵天津為決賽熱身，前晚她們更首度以泳裝示人，當中不乏身材驕人的佳麗，來自墨爾本的10號王美艷憑35.5吋上圍以cup數取勝，不過自爆日食夜食的她就腩肉橫生，穿上三點式泳裝後無論點挺胸收腹，也難遮掩肚凸巨躉的缺點。被評為豬扒港姐的6號陳庭欣則喜獲平反，被現場傳媒推選為好樣一族。
無綫「2010國際中華小姐競選」今晚在天津環亞國際馬球會大酒店舉行，由鄭裕玲、李浩林等擔任司儀，郭羨妮、徐子珊、古巨基、林峯等擔任評判，表演嘉賓則有09年華姐冠軍苟芸慧和亞軍陳倩揚。
24位候選華姐前晚齊集會場進行泳裝綵排，同時亦宣佈了網上觀眾投票的五強：2號陳心慰、6號陳庭欣、8號李若瀅、10號王美艷和18號張慧雯；同時現場亦互選出友誼小姐，最後由來自佛山、22歲的5號白鷺贏出。
10號王美艷凸腩巨躉
前晚首度穿上三點式泳裝見人的佳麗即時纖毫畢現，當中大胸一族就包括10號王美艷、11號陳美詩、14號王佩芷和16號陸曼，雖然以吋數來計算就以36吋的陸曼稱冠，但論到cup數及現場所見就以來自墨爾本的王美艷較優，不過三圍35.5、25、36的王美艷擁有啤梨身形，除了肚凸凸露出腩肉外，其巨躉亦十分可觀，她說：「我冇刻意磅重，但係食多咗，佳麗又互相請大家食嘢，我睇好6號陳庭欣同16號陸曼。」她自言着泳裝感到尷尬，但對於被指其泳裝令人有壓迫感時，她即笑說：「可能肥咗，件泳衣都有少少走位，都換過幾次，因為size唔啱。」
被評好樣信心大增
今屆港姐冠軍陳庭欣被批評豬扒港姐，不過前晚她併埋其他華姐時即時獲得大平反，更被現場傳媒將她與18號張慧雯和19號岑麗香推選為好樣佳麗，總算吐氣揚眉，難怪陳庭欣接受訪問即時信心大增，更說：「都有信心，自己會盡力爭取。」至於被問到自己是否最差時，陳庭欣即說：「每個人都有自己優點，總之唔想踩低自己，去抬高別人，我心目中就選5號白鷺、19號岑麗香同24號楊逸歐，亦唔會畀壓力自己。」
採訪、攝影：曾小嘉
