廖暉出任港澳辦主任多年來一直低調，好少在媒體亮相，新上任嘅王光亞似乎冇咁自閉，上任僅一個月，就高調接見訪京嘅九龍社團聯會，仲專登喺會前公開畀傳媒拍攝，恨死一啲食咗閉門羮嘅政團。
搞慣外交確實零舍不同，王光亞向香港記者擺出友善姿態，噚日向傳媒送高帽，話個人對港澳傳媒嘅印象係敬業以及能夠吃苦，又意有所指咁話，就算一啲冇西方同內地傳媒採訪嘅場合，都會見到港澳記者。究竟係讚港澳傳媒神通廣大抑或小事化大呢？佢話透過傳媒嘅報道，加深市民對內地嘅了解，又希望以後有更多機會同港澳傳媒溝通，正式向傳媒伸出友誼之手。