廉政專員湯顯明頻頻外訪，近日又出差，今次目的地近啲，只係去澳門。前日佢去澳門出席「國際反貪局聯合會第四次年會暨會員代表大會」，演講時呼籲各地加強「非正式協作」，合力追擊設法逃避公義同隱藏犯罪收益嘅貪污分子。
湯顯明特別不點名列舉澳門前運輸工務司司長歐文龍單案，話喺一國兩制原則下，港澳兩地冇正式司法互助協議，但雙方對澳門「一名前主要官員」貪污嘅案件進行嘅聯合調查，呢個就係非正式協作嘅好例子。
除咗湯專員講嘢，廉署「女神探」執行處處長（私營機構）李寶蘭今日仲會喺「聯合調查及特別調查技巧」工作坊演講。