巨星一幫嘅9個成員噚晚到九龍灣MegaBox舉行新碟發佈會，近日有傳許廷鏗經理人有功，劉威煌就話唔多覺，佢話：「大家都有自己嘅工作，好多嘢做。」對於有網友喺網上留言話為響應環保而唔買佢哋嘅碟，劉威煌就話唔可以令全港嘅人都鍾意自己。同場嘅許廷鏗就話自己嘅經理人旗下有30個藝人，都未必可以理到自己咁多，不過佢就話想快啲有自己嘅大碟。