今夏加盟曼聯嘅葡萄牙攻擊球員碧比（圖）頭髮短短，比初加盟曼聯時個辮仔頭清爽好多。唔講唔知，原來係曼聯領隊費格遜叫佢剪頭髮嘅。碧比話：「我加盟曼聯之初，費格遜同我講『你要快啲學英文同埋剪短頭髮』。雖然佢可能係講笑，但睇佢個樣又唔似，所以我咪去剪晒啲辮仔囉！」20歲嘅碧比果然孺子可教。