林子祥（Lam）昨日在尖沙嘴出席影音專輯《Lamusique》發佈會，明天推出發燒碟，阿Lam表示錄歌曲《追憶》時，每次都忍不住喊，今次也不例外，因歌曲描述父子之情，他說：「去到嗰度就頂唔順，要停一停，諗起爹哋點會唔感動？好彩媽咪仲喺度。」
碟內收錄了阿Lam與太太葉蒨文合唱歌曲，問到會否叫太太復出？他說：「佢真係冇走過，佢都有去雲頂唱歌，佢上台唱歌條癮仲喺度。」提到四大唱片公司與無綫因版稅問題，今年有可能取消四台聯頒大獎，阿Lam會否覺可惜？他說：「我唔諗呢啲嘢，我80年代已經退出音樂政治遊戲，遲早可以化解。」
採訪、攝影：溫敏芝