一直有傳德國名宿奇連士文（圖）會再戰江湖，結果佢真係復出，但就唔係做教練，而係擔任美職聯球會FC多倫多嘅顧問。奇連士文之前帶德國國家隊喺06年世盃攞到個季軍，所以有唔少大會都想請佢教波。FC多倫多喺今屆美職常規賽排東岸第5，入唔到季後賽；睇吓喺奇連士文出手相助下，下季會唔會有突破啦！