有些歌手於欠缺創作靈感時會選擇去旅行放鬆一下，不過農夫於失去火花時選擇了分開創作，二人為新碟各自寫自己的作品，反而所花時間少了，他們對今次大碟的成績信心十足。
農夫剛推出的新碟《奇蹟》是C君、陸永各自創作的作品。問他們今次為何會有此構思？C君說：「上次隻碟其實已經去到樽頸位o架啦，再咁做落去都唔係辦法，於是咪同老闆提議分開做，佢話分就要分得徹底啲，連個音樂班底都唔可以一樣。」
新歌玩說教
早前C君的《偉大航道》上載上網4日已有20萬點擊率，無疑令他信心大增。C君續說，自紅館演唱會後，有fans表示會跟隨他們，那刻開始他知道要建立一個好榜樣，所以他的6首作品中，有的內容是有說教意味：「好似《偉大航道》嘅歌詞，係你阿爸阿媽都會同你講嘅嘢。」
搵外援幫手
至於陸永的作品就是圍繞不同的愛，而他的音樂班底更是其好友：「今次搵咗王菀之同我合唱，仲搵埋DJGalaxy同一位叫KZ嘅Rapper幫手。」
採訪：李珮洳
攝影：黃文偉
化妝：ManYee
髮型：IvanMak（ViaIlColpo）