溫碧霞（Irene）之前同台灣演員張國柱去到北京出席當地舉行嘅第3屆新人電影節。當然去參選嘅唔係佢哋，而係資深影評人黃國兆第一部作品；改編自名作家劉以鬯嘅同名電影《酒徒》。Irene喺戲中演一位風韻猶存嘅少婦，佢話今次好開心可以喺300幾部戲中脫穎成為參選電影，仲話：「部戲可以喺北京大學做首映，同埋成為電影節開幕電影感覺好興奮。希望導演黃國兆可以憑呢套片攞獎。」