【本報訊】同樣是諾貝爾獎得主，「光纖之父」高錕獲得特首曾蔭權厚愛，興高采烈地出席有關他獲物理獎的慶典，又為他在科學園設立地標；但對獲和平獎的劉曉波，卻只得一句「不予置評」作罷。不少議員昨天辯論時都因而將矛頭指向曾蔭權，指斥他不敢與中央唱反調，充份凸顯特區政府的無能。
立場被斥「唔見得人」
公民黨吳靄儀發言時怒斥特首曾蔭權「佢對事件不予置評，係標誌住香港言論自由嘅倒退」，續指「我好明白佢唔想同中央唱反調、唔想俾人話佢同中央政府對着幹；但係連幾句說話都唔敢講，只係凸顯政府嘅無能，以及道德同良心力量嘅崩潰」。吳靄儀稱從曾蔭權如此「唔見得人」的立場，「香港嘅管治同前途都好值得人擔心」。
身兼支聯會常委的民主黨張文光也批評政府採取犬儒的功利主義，視中央政治態度決定冷漠抑或熱烈，否則曾蔭權不會對高錕及劉曉波獲獎有兩種截然不同的態度。
他諷刺曾蔭權提倡的國民教育，「難道係失去獨立思考、不敢堅持真理，以及背棄普世價值嘅遵命國情教育？」