紐約人家已經兩連敗，原本周二主場迎戰懷特侯活領軍嘅魔術，但場館天花有碎片剝落，為咗安全理由，場波決定取消兼退票，搞到由比利時同英國等世界各地嚟捧場嘅球迷鬼咁火滾。話時話，魔術可能已經慣咗取消，皆因季前賽鬥熱火時，魔術亦因主場問題而取消比賽，今次作客又出事，真黑仔！