港股噚日一舉突破24000關，恒指報收24144，上升473點，成交1056億元，配合升勢，不過有幾點要留意。
噚日賣地嘅成績屬不好不淡，港股略為回軟尾段又升過，不過高位沽盤好積極，大市可能再升一段又會出現調整，技術上24300有頗大阻力，要留意即市破位之後可唔可以企穩收市。花旗QE2嘅規模一確認，市況會好波動，家港股靠內銀股撐住，呢個勢暫時唔會變。
農行C輪25047：農業銀行（1288）報收4.30元，升3.1%。上市以來呈一浪高於一浪嘅走勢，但係累積升幅唔算好大，再升嘅空間仍吸引，經過一段時間整固，噚日挾大成交炒上，算係炒落後，破4.50元推向4.80元已經冇問題，可以諗吓隻C輪25047。
隻輪現價24.9仙，2011年3月21日到期，行使價4.48元，溢價10%，引伸波幅30.3%，槓桿率17.3倍（有效7.8倍），正股升上4.80元，25047睇53.5仙，正股跌穿4.15元就沽咗隻輪。
俊樺