【本報訊】收地前夕，菜園村關注組組成百人巡守隊，得到警察的特別關心。警民關係科探員近日主動接觸關注組成員，「好心提醒」他們巡守隊未作社團註冊，「小心俾人拎住呢點嚟做文章」，又主動向村民教路，點醒他們收起「更表」，勿說木棍是用來巡邏，以防被控。
「唔好公開更表」
「好心警察」近日主動接觸關注組副主席盧明光。盧憶述，警員態度友善，似出於關心。探員對他說，或許有「有心人」拿着巡守隊未有社團註冊這點作攻擊，向村民面授機宜。「警察叫我哋唔好公開啲巡守隊更表，話咁就等於有內部組織編制，教我哋同人講，大家係自發巡邏咁就得」。
巡守隊成員配備木棍，警察再教路說：「記住話木棍唔係用嚟自衞，話係用嚟趕蛇、趕狗咪得囉。」盧不知道警察為何厚待村民，「可能係對咗咁耐，培養咗感情啩」。
不過，警察部署一手軟、一手硬，廠戶張新有不滿政府沒有賠償，揚言作激烈抗爭。地政總署近日就聯同機電工程署、軍裝警員入門檢查，要求他搬走廠房內的石油氣。「警察隔日就上門，今日（昨天）先上咗嚟兩次」。