英國索模KellyBrook上月大搞噱頭，化身惹火啤酒妹幫嘉士伯和SkyTV拍廣告，踩入英國一間戲院炒熱氣氛。當日戲院大銀幕播出Kelly的靚樣，未幾低胸又晒腿的Kelly竟然走出大銀幕，真人現身派啤酒。在場觀眾見到女神真身都難以置信，不斷尖叫起哄，Kelly見慣大場面冇被嚇親，繼續派啤酒，其間有觀眾埋身要求合照，她都有求必應，認真親民。