香港電台台長黃華麒明年2月約滿，外傳佢為養病唔續約，噚日再有消息指麒叔或會續約一年，八方從港台高層處聽到另一個版本，指麒叔可能唔會續約一年，而係續約幾個月，待政府搵到繼任人就會退下來。
有港台高層透露，聽到麒叔續約一年消息有啲驚訝，因為以前無此先例，如果未搵到新台長，大可由第二把手署任，而據佢哋收風，麒叔明年初約滿後只會坐多幾個月，如果留任一年，即係話麒叔2012年初先退休，屆時正是下任特首跑馬仔最後階段，由於任命台長十分敏感，會唔會又hold住先o架！港府同麒叔續約，原因係未決定是否再空降政務官做台長，抑或公開招聘，至於內部晉升，係人都知只是一個不會兌現嘅說法。