之前有報道指剛滿50歲嘅阿根廷球王馬勒當拿，會到中國送暖，計劃終於落實，而且之後佢仲出埋海報（圖）宣傳㖭。老馬將會喺星期四飛抵北京，隨即會同中國紅十字基金會簽約，成為溫暖大使，並正式展開為期10日嘅溫暖中國行。而佢除咗會出席一連串喺濟南同東莞等地舉行嘅慈善活動外，仲率領阿根廷明星隊進行兩場義賽，屆時仲會親自落場㖭。之前有指老馬想喺中國撈，即管睇吓佢今次中國行可唔可以打動中國球迷芳心，為佢帶來搵人仔嘅機會啦。