踢波有別於一般行業，就算幾咁好波，30幾至40歲就要掛靴，所以唔少球星趁自己搵到錢嘅時候，就會開始計劃未來，等退休之後唔使食穀種。好似喺意甲搵食嘅AC米蘭加度素同埋施多夫，以及國際米蘭後衞辛尼迪（圖）咁，就專攻飲食業；其中辛尼迪就喺米蘭市開咗間叫ElGaucho嘅阿根廷烤肉店，而佢仲誇下海口話自己間餐廳賣嘅，係最正宗嘅阿根廷菜，所有食材都係由阿根廷入口，而且仲有阿根廷音樂伴奏，保證客人食過番尋味。辛尼迪踢波叻就係人都知，唔知佢搞生意係咪一樣咁醒呢？