兩周前AC米蘭作客皇家馬德里，慘被技術性擊倒；不過周三歐聯G組第4輪分組賽，AC米蘭返回主場，料戰力提升，而在皇馬和波亦夠分出線之下，宜取AC米蘭受讓平/半的下盤。（球賽編號：星期三10；有線61、201台明日3:45直播）牽牛
AC米蘭在今季雙方首度碰頭，因早段兩個錯誤引致失波，最終以0:2落敗，全場亦沒有優勢，輸波可謂無話可說；而上仗在意甲大戰中，亦以1:2不敵祖雲達斯，主場不敗身被破，該戰AC更增添了奧度及邦利拿兩名傷兵，連同堤亞高施華、森保達、岩布仙尼等仍缺陣，面對氣勢如虹的皇馬，有甚麼捧場之理？
料細哨傷癒復出
畢竟，聖西路仍算是AC的福地，上仗之敗，只因心雄向祖雲達斯急攻，結果被對方一次反擊而失守。歐聯是講求戰術性的比賽，首仗分組賽AC亦有耐性地擊敗歐塞爾，今仗眾將料小心應付。
另外，朗拿甸奴亦有望傷癒趕及復出，而賽前他表示可協助球隊擊敗皇馬，此位前球王只要有一定雄心，仍是頂級鋒將。至於另一前鋒伊巴謙莫域近況亦佳，連續兩仗有入球，以他的身高，仍足以威脅制空力平平的皇馬。
皇馬近況當然冇得彈，上仗反勝靴高斯，以不敗身暫列西甲榜首，歐聯分組賽頭3場亦全勝，晉級在望。不過，皇馬並不全無弱點，上仗對靴高斯就走漏了查斯古特，被這位前意甲神射手先開紀錄；相比之下，伊巴今時今日的威力，肯定在查斯古特之上
皇馬有聯賽後顧
另外，皇馬已9分在手，今仗和波就肯定出線，而未來球隊應付連場西甲大戰，包括下場對馬體會的打吡戰，擅於部署的摩連奴，今仗或會「留有一手」。上季AC米蘭處低潮期時，皇馬也只能作客賽和1:1，今次和波對雙方也是滿意戰果。除博下盤外，並敲「主客和」的和局。
星期三10
AC米蘭vs皇家馬德里 1:1
半全場：和/和
盤口：AC米蘭受讓平/半
讓球：下盤
盤口：AC米蘭[+1]
讓球主客和：H主勝
《花絮》
摩帥字條藏玄機
喺皇馬上周六嘅西甲聯作客反勝靴高斯一役中，皇馬教練摩連奴可能肉緊得滯，賽後竟將比賽期間調兵遣將嘅幾頁notes，留低咗喺後備席，仲俾傳媒執到；而最耐人尋味嘅係喺notes最後一版，佢計咗一條好簡單嘅數：38+13+6=57（圖）。西班牙傳媒就話38代表今屆西甲場數、13代表歐聯，而6則代表西班牙盃，即係話摩帥今屆要皇馬做「3冠王」囉！
沙比再遇韋比
AC迎戰皇馬呢場波，主吹嘅球證係英格蘭嘅韋比。講起韋比，相信皇馬陣中嘅西班牙國腳對佢一定唔陌生，因為喺今夏嘅世界盃決賽西班牙對荷蘭一役，就係韋比主吹；但韋比就對荷蘭中場尼祖迪莊對西班牙中場沙比阿朗素嘅穿心腿，視若無睹。有口痕友就話，好彩今次AC陣中冇類似尼祖迪莊呢類殺人王，否則沙比可能又要再受皮肉之苦。
國家打吡或不改期
巴塞隆拿迎戰皇家馬德里嘅西班牙國家打吡，原定安排喺11月28日上演，但因為同加泰隆尼亞地區大選撞期，為免保安上出現差池，故決定延期一日喺29日上演。但最新消息係由於要顧及電視直播，所以場波好可能又變返喺西班牙時間28日晚上9時舉行喎！