【本報訊】職工盟發起的全城罷食大家樂行動定於下周二舉行，至少六間大學學生會決定響應當日行動，且率先起義，下周一到校內屬大家樂集團的泛亞飯堂抗議，呼籲學生支持罷食。職工盟旗下飲食及酒店業職工總會昨晚與各大學學生會代表開會，討論罷食行動的具體安排。對於各界響應罷食，有大家樂分店經理竟恐嚇員工要「醒醒定定」。
有經理恐嚇員工要「醒定」
大家樂旗下泛亞集團在多間大學與公立醫院經營飯堂，工會昨晚與城市大學、理工大學、香港大學、科技大學、嶺南大學、中文大學的學生會代表，開會數小時至深夜，商討下周二罷食泛亞飯堂的具體安排。據悉，各大學學生會下周一將到所屬大學的泛亞飯堂抗議，呼籲學生參加翌日的全城罷食行動；為配合行動，有學生會代表曾提議向罷食學生安排膳食。除學界外，總會日前發信予多間公立醫院，希望醫院員工參與今次罷食行動。
職工盟旗下飲食及酒店業職工總會組織幹事胡穗珊表示，收到大家樂員工通知，指現時各分店處理員工的手法相當「懸殊」，「好睇分店經理點諗，有員工就俾人恐嚇話要醒醒定定，唔好亂咁搞事；但係有分店經理仲同員工好聲好氣，同佢哋講唔使擔心會影響份工，有經理仲請員工飲茶，我都係第一次聽」。
她強調，罷食行動不會影響員工生計，「我哋唔係搞好耐，一日罷食行動，唔會影響員工做嘢，佢哋平時都好多嘢要做。如果真係唔幫襯你，咁你大家樂要自己諗吓係邊個做成」。
總會將繼續聯絡大家樂尋求對話，「但如果佢再唔回應，行動有可能升級」。
網民對罷食大家樂一事普遍表示支持，facebook「11月9日全民罷食大家樂」行動，昨日已有逾800人表示參與。有網友表示要罷食到員工有「有薪飯鐘」為止，亦有人認為「罷食一日邊夠，呢世唔幫襯呢間刻薄食肆」。