【本報訊】53歲的理工大學講師張超雄，父親是小學校長、成長於中產家庭，多年來卻一直關顧弱勢社群，未來更有意為打工仔發聲。中產投身工黨，張超雄認為絕無資源錯配，他認為，香港有許多中產人士希望公義能夠伸張，拒做「犬儒中產」，「唔係只顧自己，搵到錢就乜都唔理！」
「犬儒中產，即係基本上都放棄咗，只係識自己顧自己嘅一班人。我覺得，呢類人經已越來越少。」拒絕犬儒的張超雄曾當四年議員，最深感受是：「議會係一個好奇怪地方，形式上你係有權力，但係到運作時，其實係冇權。」
「我擺明要財富再分配」
但他始終認為，當議員可以「刀仔鋸大樹」，可以慢慢改變當權者的看法，「好似傷殘人士交通半價優惠，將罕有病藥放入名冊，都係咁爭取返嚟」。
張超雄說，金融海嘯過後，中間偏左的理念獲得一定共鳴。「我擺到明係要求權力、財富再分配，擺到明要講呢個所謂嘅自由市場係呃人，政府係最大地主，商家做生意難，唔係因為最低工資，而係因為租金、地價。」
「我唔係極左人，唔係要大家共產，只係覺得財富再分配唔係純福利，而係一種公義，成個社會一齊去產生財富，所有人合作先做得成。點分配成果，應該要公義一啲。」